Стоматологиялық емхана-стоматология факультетінің оқу және клиникалық базасы.
Ағымдағы кезеңде ол бес қабатты ғимараттың 1-қабатында орналасқан: құрамында барлығы 3 емдеу кабинеті, металл керамикаға арналған тіс техникалық зертханасы, ескірген стоматологиялық жабдық (соңғы сатып алу-2013 ж.), қазіргі заманғы шығын материалдары тапшы.
Қазіргі уақытта мемлекеттік тапсырыс бойынша медициналық көмек жүкті әйелдерге, студенттерге 50,0 пайыздық жеңілдікпен көрсетіледі.
Жақын арада балаларға қызмет көрсетуге лицензия алу күтілуде.
Оқу процесіне қолайлы жағдай жасау және халыққа медициналық көмек көрсетудің заманауи стандарттарына сәйкес келу үшін жеке корпус құрылысымен қайта құру жоспарланған.
Мемлекеттік сараптаманың қорытындысын ала отырып, техникалық тапсырма, жобалау-сметалық құжаттама дайындалды. Құрылыс 2023 жылы басталады.
Сондай-ақ, материалдық базаны заманауи жабдықтармен және шығын материалдарымен нығайту жүзеге асырылады.
Осылайша, студенттерді пациентке бағдарлап оқыту үшін, ақылы қызметтерді қоса алғанда, мемлекеттік тапсырыс бойынша халықтың барлық жас топтарына (ересектер, балалар) стоматологиялық көмек көрсету үшін оқу кабинеттерінің мүмкіндіктері мен алаңдарын кеңейту күтілуде.
